Íkonar (helgimyndir) á Klaustri

Helgina 6.-8. ágúst þegar hinir árlegu Kammertónleikar á Kirkjubæjarklaustri fagna tuttugu ára afmæli sínu stendur uppi sýning í kapellunni á Kirkjubæjarklaustri á íkonum eftir serbneska prestinn og íkonamálarann föður Jovica og listakonuna Kristínu Gunnlaugsdóttur.

Faðir Jovica er þekktur á Íslandi vegna sýninga sinna í íslenskum kirkjum sumarið 2008. Kristín lærði ung íkonamálun í klaustri í Rómaborg og hefur þróað þá list á frumlegan máta í málverkum sínum.